Gode Bremanger

Sjømine blei monument

Mina dreiv i land i Vetvika under krigen.
Mina dreiv i land i Vetvika under krigen.
Du har kanskje lagt merke til at det står ein metallforma ball på ein knaus ved Dalevatnet? Ballen kan du sjå frå fylkesvegen.

Ettersom fleire lurer på bakgrunnen for dette minnesmerket, kjem historia her. Kjelde for opplysingane er eit hefte Bremanger kommune gav ut i 1995. Då var det 50 år sidan krigen var slutt.

Mina på knausen
Metallkula på Senneset er ei sjømine som rak i land i Vetvika under krigen. Då budde det folk der ute som var aktive i heimefronten. Det var ein del Shetlandsfart ut og inn frå Vetvika, som ligg mot det opne havet.

Mina som flaut inn frå Nordsjøen blei etter krigen demontert. Så gjekk det enno ei tid får ho kom på plass på Senneset. Då viste kalenderen at ein var komne fram til 1950-talet.

Ein ser sjømina frå fylkesvegen.

Mange festningsanlegg
Det før nemnde heftet om frigjeringsjubileet i 1995, fortel også om dei mange festningsanlegga i Bremanger.

Tangane i Skatestraumen var det største og viktigaste i vårt område. Det var i alt ni kanonstillingar og minefelt rundt heile anlegget. Her meinte tyskarane dei kunne kontrollere innseglinga til Nordfjord. Difor hadde dei nesten 200 soldatar her.

Så var det Gotraneset i Berle som handla meir om Frøysjøen, og smelteverket i Nordgulen. Difor bygde dei også eit festningsverk på Ospeneset.

Vi tar også med anlegget nazistane hadde på Sande i Svelgen. Her hadde tyskarane 100 mann stasjonerte. Det hadde dei også på Ospeneset. I Berle skal det ha vore fleire.

Kartutsnitt som viser plasseringa av Tangane kystfort.

Også styrkar i Kalvåg
Til sist nemner vi Lisetflona i Kalvåg. Der hadde tyskarane luftvernskyts og peilestasjon. Og dei bygde vakthytte på Veten, for der kunne dei sjå frå Stad i nord til Alden i sør.

Sjømina på Senneset står der framleis, og vitnar om alt dette.

Del innlegget

Siste nyheter

Få dei gode historiene

Vi sender deg nyheiter, invitasjonar og glimt frå regionen ca. éin gong i månaden. Ingen spam, berre god stemning.

Vi brukar informasjonen du gjev i dette skjemaet for å halda kontakt med deg og gje deg oppdateringar og marknadsføringsmateriell. Du kan når som helst avslutta abonnementet ved å klikka på «Avslutt abonnement» nedst i nyheitsbreva våre eller ved å ta direkte kontakt med oss. Vi handsamar informasjonen din med respekt og berre i tråd med føremåla du har godkjent. For meir informasjon om personvernpraksisen vår, sjå personvernside vår.

GDPRVi brukar Mailchimp som marknadsføringsplattform. Ved å klikka nedanfor for å abonnera, stadfestar du at informasjonen din vil verta overført til Mailchimp for handsaming. Les meir om personvernpraksisen til Mailchimp.