Leirgulen Handel vil utvide opningstidene

Butikken har dei drive i 16 år. No er dei i dialog med det statlege Merkur-programmet for økonomisk støtte, og fagleg bistand.

Konsulent Atle Stalheim, som er knytt til Merkur-programmet, seier at Leirgulen Handel er ein god kandidat, men at det er Distriktssenteret som avgjer søknaden. Stalheim fortel at mange liknande butikkar i bygdene på Vestlandet har fått støtte dei siste åra.

– Ein brukar bank-kortet for å komme inn på butikken. Deretter hentar ein dei varene ein treng og betalar.

– Og om nokon vil stele med seg litt ekstra?

– Faktisk er svinnet mindre i desse butikkane enn i andre matbutikkar. Det kan skuldast at det er vanleg å montere om lag 20 kamera, og det er gode tryggingssystem.

Men om Leirgulen Handel får støtte frå Merkur er ikkje det nok. Stalheim seier ein ikkje kjem i mål berre ved hjelp av det offentlege.

– Ein må investere av eigne midlar for å få dette til. I ein del tilfelle stiller kommunen opp, slik som i Bremanger. Eg syns det er prisverdig at kommunen ser verdien i lokalbutikken og gjer handling av ord, seier han.

Atle Stalheim i evoSpor.

Nye tider til påske

Therese fortel at dei har søkt både Merkur-programmet og Bremanger kommune om støtte.

– Vi har søkt kommunen om 200 000 i ansvarleg lån. I tillegg 50 000 i bedriftsviklingstilskot. Økonomien i butikken er no så krevjande at det går ikkje utan slik støtte, fortel ho.

Dersom alt går etter planen, som det ser ut til å gjere, blir det nye opningstider ved påsketider.

– Kanskje held vi opp til 22.00. Vi har ikkje sett på detaljane heilt. Men noko sånt blir det nok.

– Det ligg gunstig til ved ein trafikkert veg?

– Ja, og nokon kjem med båten, eller reiser forbi butikken av andre grunnar. Vi satsar på dette fordi vi trur det kjem til å gå bra.

Kommunen gav støtte

På det siste formannskapsmøtet i september kom gladmeldinga om at dei folkevalde er positive til å hjelpe Leirgulen Handel økonomisk.

I saksutgreiinga heiter det at nærbutikken er meir enn daglegvarer. Stadig fleire kommunar brukar nærbutikken til å styrke både tenestetilbodet, og den lokale samfunnsutviklinga.

Butikken er også ein viktig møteplass i lokalsamfunnet. I tider som dei vi no lever i, er også spørsmålet om beredskapslager for Leirgulen-området sentral for vurderinga til dei som skal avgjere dei ulike søknadane.