Østerbø har skrive fire romanar i serien, og opplaget nærmar seg 100.000. Dei siste åra har ho slått sterke namn på bestseljarlistene nasjonalt, som Jo Nesbø og danske Jussi Adler-Olsen.
Ylva Seljenes, som er biblioteksjef i Bremanger, fortel at bøkene til Østerbø er populære lokalt. Dei låg på utlånstoppen i 2025, og så langt i 2026.
Indie-forfattar
På same måte som «Fifty Shades of Grey» kom ut frå ingenting, debuterte også Østerbø på eige forlag med dei to første bøkene sine. Ingen ville ha manuset. Likevel; dei to første bøkene, «Skammens mødre» og «Tatt av sviket», låg 20 veker kvar på bestseljarlistene.
Anita Østerbø fotografert på barneheimen i Bergen. Foto: Privat.
Skriv om eige liv
«Frihetens smerte» er tredje bok i serien som er basert på Østerbøs eiga familiehistorie. I romanverket fortel ho om sin eigen start på livet, og skamma åleinemødrene på 50- og 60-talet blei påførte.
Den tredje romanen, som kom på Kagge Forlag, handlar om 1980-talet. I den fjerde boka er fokuset på Ingrid som har fleire likskapar med forfattaren. Tittelen på det fjerde bandet er «Ingrids valg».
Anita blei sjølv plassert på barneheim i Bergen dei første to åra av livet sitt – fordi mora blei gravid utan å vere gift.
Fire romanar så langt
Østerbø vaks opp i Bergen. No bur ho på Tysnes i Sunnhordland der ho jobba som lærar fram til ho debuterte som forfattar. Her er bøkene i serien så langt:
- Skammens mødre (2021).
- Tatt av sviket (2023).
- Frihetens smerte (2024).
- Ingrids valg (2025).
Vi brukar Mailchimp som marknadsføringsplattform. Ved å klikka nedanfor for å abonnera, stadfestar du at informasjonen din vil verta overført til Mailchimp for handsaming.