Nettsida for Gode Bremanger blei lansert i fjor sommar. På den nettsida får du informasjon om alle goda kommunen kan tilby, som slette av studiegjeld, gratis barnehage og tilskot til bustad til dømes.
– Frå kommunen si side forsøker vi også å legge ut aktuelle saker som viser kva som skjer i kommunen, og som både tilflyttarar og fastbuande kan ha glede og nytte av, fortel prosjektleiaren.
Facebook og Instagram
Ettersom Gode Bremanger gjerne vil nå ut til enno fleire, går prosjektet no vidare med to nye kanalar i sosiale media.
– Merkevara Gode Bremanger har fått eigen Facebook-konto, men vi er også på Instagram med ei satsing der. Dette skal vi gjere meir av så vi når fleire målgrupper, seier Nestegard.
Fem messer før påske
Denne vinteren og våren er Gode Bremanger representerte på fleire studiemesser i nærområdet, men også i Grieghallen i Bergen onsdag 11. februar. Merk deg datoen!
Dei nye kanalane skal bidra til å auke merksemda om Bremanger, og alle fordelane som finst med å bu her:
– Når vi er ute og snakkar med folk har vi framleis med oss brosjyrar, t-skjorter og ymse effektar som spelar på det same, seier prosjektleiaren for tilflyttarkontoret. Det endelege målet vil alltid vere å få fleire til å melde flytting til Bremanger, seier han.
Dersom du lurer på kva arrangement du kan møte oss på ute før påske kan du sjekke ut denne lenka:
Gode Bremanger deltar på fem messer før påske – Gode Bremanger
Vi brukar Mailchimp som marknadsføringsplattform. Ved å klikka nedanfor for å abonnera, stadfestar du at informasjonen din vil verta overført til Mailchimp for handsaming.