Den første er i regi av Nordfjordkompaniet i januar. Dei har invitert næringslivet, og alle tiandeklassingane i kommunen til samling på Iglandsvik. Det skjer tysdag 27. januar.
Her er meir info: Inviterer næringslivet til møte med alle tiandeklassingane – Gode Bremanger
To messer for vidaregåande
Det andre arrangementet i januar er i regi av Flora vidaregåande skule. Her er det elevar i vidaregåande som får informasjon om det som rører seg i arbeidslivet på kysten, og kva tilbod som finst. Karrieredagen i Florø er torsdag 29. januar.
Denne lenka viser litt av det som skjedde under arrangementet i fjor: Karrieredagen 2025
Onsdag 4. februar er det Måløy det gjeld. Då er det Framflytkonferanse i regi av Måløy vidaregåande. Også der er Bremanger med. Her ser du kva som skjedde i fjor på den elevdrivne konferansen: Framflyt
Stor messe i Bergen
Onsdag 11. februar har Framtidsfylket karrieremesse i Bergen. Her er vi på plass med program for eit eige Bremanger-opplegg i kjølvatnet av messa i Grieghallen:
Møt Gode Bremanger på messe i Grieghallen – Gode Bremanger
Den største hendinga denne våren blir likevel NordfjordTreffet i Svelgen tysdag 31. mars. Her er Inviro på Nordfjordeid teknisk arrangør, men Bremanger har ei stor rolle som vertskommune for dei fem kommunane i Nordfjord.
Her er lenke til programmet: Meld deg på NordfjordTreffet her! – Gode Bremanger
– Viktig å snakke med ungdommen
Ordførar Anne Kristin Førde seier det er viktig å møte ungdomen der dei er.
– I vår tid handlar mykje om det digitale sjølvsagt. Likevel er fysisk oppmøte framleis viktig, seier ho.
Ordføraren legg til at det er viktig for kommunen å fortelje om Rekrutteringspakken, og at det får ein høve til på alle desse arrangementa.
– Særleg viktig blir NordfjordTreffet i mars. Dette kjem vi tilbake med meir informasjon om når ting er litt klarare, avsluttar ho.
Vi brukar Mailchimp som marknadsføringsplattform. Ved å klikka nedanfor for å abonnera, stadfestar du at informasjonen din vil verta overført til Mailchimp for handsaming.