Gode Bremanger

Inviterer til eit utradisjonelt foreldremøte 

Barn ser fokusert på instruktøren som lærer dei å lage straum frå rå potet. Foto.
Med musikkinnslag, matservering og premietrekning kan ein ikkje kalle det eit vanleg foreldremøte. Å ikkje ha barnepass eller skyss er ikkje eit hinder, fordi det fiksar dei også.

 – Vi strekker oss for å gjere dette møtet lett tilgjengeleg for foreldre, og håper at flest mogleg vil kome på torsdag, seier Gro Abildsnes, kommunalsjef for Oppvekst, kultur og fritid i Bremanger kommune. 

Hovudattraksjonen 

Psykolog og forfattar Line Marie Warholm held føredrag om foreldrestress og tek opp temaet «robuste barn«, altså om at barn både toler motvind i livet, og tek med seg viktig kunnskap frå utfordringane. Med erfaring frå blant anna barne- og ungdomspsykiatrien og familievernet har ho eit breitt fagleg grunnlag for bøkene hennar om temaet. 

Minimale hinder 

Kommunen tilbyr både skyss og barnepass for føresette som treng det for å kunne kome på møtet. 

– Vi vil ikkje at det skal vere nokre hinder for foreldre å delta. Vi strekker oss for å gjere det så lett som mogleg, seier Abildsnes. 

Mange må reise langt for å vere med på slike felles foreldremøte. Ved å kombinere gjesteføredraget med musikkinnslag og premietrekning får foreldre utnytta reisa best. 

– Vi vil også skape eit sosialt fellesskap med hygge, ikkje berre business, seier ho. 

Trivsel på topp 

I elevundersøkinga i 2024 er det målt låge mobbetal i kommunen. Det er eit resultat av mange målretta trivselstiltak i både skule og barnehage, blant anna PALS og IBOS (inkluderande barnehage- og skulemiljø). 

Davik skule blei kåra til Noregs beste offentlege skulen i matte i 2024. Då peika driftssjef ved Davik oppvekst Helge Bakke til trivselstiltaka som ein grunn til dei gode karakterane. 

Abildsnes vil inkludere foreldre og føresette i arbeidet for ein trygg og god kvardag for barna. 

– Det viktigaste for oss er at barn og elevar trivst og har det bra i barnehage og på skule – aller helst at dei gler seg til kvar dag. Foreldra er den viktigaste aktøren i dette arbeidet og foreldremøte er ein god arena for å møtast, seier ho. 

Foreldremøtet er torsdag 13. februar kl. 17.30–19.00 på Svelgen samfunnshus og er ope for alle føresette med barn i barnehage og på skule i Bremanger kommune. 

Del innlegget

Siste nyheter

Få dei gode historiene

Vi sender deg nyheiter, invitasjonar og glimt frå regionen ca. éin gong i månaden. Ingen spam, berre god stemning.

Vi brukar informasjonen du gjev i dette skjemaet for å halda kontakt med deg og gje deg oppdateringar og marknadsføringsmateriell. Du kan når som helst avslutta abonnementet ved å klikka på «Avslutt abonnement» nedst i nyheitsbreva våre eller ved å ta direkte kontakt med oss. Vi handsamar informasjonen din med respekt og berre i tråd med føremåla du har godkjent. For meir informasjon om personvernpraksisen vår, sjå personvernside vår.

GDPRVi brukar Mailchimp som marknadsføringsplattform. Ved å klikka nedanfor for å abonnera, stadfestar du at informasjonen din vil verta overført til Mailchimp for handsaming. Les meir om personvernpraksisen til Mailchimp.