Gode Bremanger

Thomas vil satse i Bremanger

SFE-lærling Thomas Gytri likar seg i Bremanger.
SFE-lærling Thomas Gytri likar seg i Bremanger.
SFE-lærling Thomas Gytri (21) er i gang med sitt andre fagbrev.

Det første fagbrevet tok han i Rugsund som energimontør i Linja. Det neste tar han i Svelgen som lærling hos SFE. Når det er gjennomført, kan han kalle seg energioperatør.

Det blir nokre timar i friluft. Foto: SFE.

Garnisonen i Sør-Varanger
I skrivande stund har han permisjon frå lærlingplassen på kraftstasjonen i Svelgen. Det er fordi han avtener verneplikt som soldat i nord. I Kirkenes, mot grensa til Russland, ligg Høybuktmoen som kanskje er betre kjend som Garnisonen i Sør-Varanger.

I januar reiste han nordover til Finnmark, og skal vere der eit år. Våren 2027 kjem han tilbake til Svelgen for å fullføre fagbrev nummer to i regi av SFE.

Thomas flyr ein del helikopter i jobben. Foto: SFE.

Likar å fly helikopter
Thomas har vore i SFE eit halvt år, og bur i Dalen i Bremanger. Der bur han fordi han vaks opp der, i alle fall frå han begynte i femte klasse. Stefaren er elektrikar. Då var vegen til elektro-linja på Flora vidaregåande etter ungdomsskule på Hauge kort, fortel han:

– På skulen lærte vi ikkje så mykje om det som skjer på smelteverket og kraftstasjonen i Svelgen. Derfor er det ekstra kjekt å setje seg inn i alt som skjer her.

– Korleis ser ein vanleg dag ut for deg som lærling?

– Då er eg gjerne inne i fjellet. Det er kontroll i trafohallen med alt av transformatorar, sjekke at alle verdiar er som dei skal vere. Vidare sjekke på lekkasjar, generatorar og det som er. I det heile tatt er det mykje vedlikehald på anlegga våre.

– Flyr du ein del helikopter i jobben?

– Ja, det likar eg godt. Å fly er kjempekjekt. Blir ein del av det i kvardagen. Det er Airlift frå Førde og Fjord Helikopter frå Stryn som flyr på anlegga våre i Svelgen og Ålfoten.  

Kjekt å lære av eldre kollegaer. Då blir det ein del humor. Foto: SFE.

Vil bu i Bremanger
I skrivande stund er han som sagt soldat i nord. Til våren neste år er han tilbake i Svelgen for å fullføre fagbrevet. Deretter er planen å bu i Bremanger, og då helst i Dalen kor han pendlar til og frå Svelgen. Der har 21-åringen kompisane sine, og der er han aktiv som fotballspelar for Bremanger idrettslag.

Del innlegget

Siste nyheter

Få dei gode historiene

Vi sender deg nyheiter, invitasjonar og glimt frå regionen ca. éin gong i månaden. Ingen spam, berre god stemning.

Vi brukar informasjonen du gjev i dette skjemaet for å halda kontakt med deg og gje deg oppdateringar og marknadsføringsmateriell. Du kan når som helst avslutta abonnementet ved å klikka på «Avslutt abonnement» nedst i nyheitsbreva våre eller ved å ta direkte kontakt med oss. Vi handsamar informasjonen din med respekt og berre i tråd med føremåla du har godkjent. For meir informasjon om personvernpraksisen vår, sjå personvernside vår.

GDPRVi brukar Mailchimp som marknadsføringsplattform. Ved å klikka nedanfor for å abonnera, stadfestar du at informasjonen din vil verta overført til Mailchimp for handsaming. Les meir om personvernpraksisen til Mailchimp.