Gode Bremanger

Kulturdag på det gamle kystfortet

Tongane ligg på Rugsundøy.
Foto: Visit Nordfjord/Thomas Sagvik
Tongane kystfort ligg idyllisk til på Rugsundøy ved innseglinga til Nordfjord. Laurdag 12. september inviterer kommunen til kulturminnedag med song og spel.

Kultursjef Norvall Klungresæter seier det er viktig å ta vare på den lokale krigshistoria:

– Det er meir enn 80 år sidan krigen var slutt, og i Bremanger har vi fleire kystfort frå den tida. Tongane er det suverent største, fortel han.

Festung Norwegen
Dei tyske styrkane kom seint til Bremanger, og hausten 1940 starta bygginga på Rugsundøy. Kanonstillingane på kystfortet skulle nå mål på Vågsfjorden, og sperre innseglinga til Måløy og Nordfjord. Fleire av brakkene i området fekk sentralfyring, innlagt vatn og elektrisk lys frå straumaggregat. På det meste var nesten 200 tyske soldatar stasjonerte på Tongane.

Fortet var aktivt under Måløyraidet romjula 1941. Under dette raidet fall kaptein Martin Linge då han blei skoten på trappa til hotellet i Måløy der tyskarane hadde hovudkvarteret sitt.

Informasjon om det gamle fortet.

Rebusløp og omvising
Under kulturminnedagen den 12. september blir det fleire aktivitetar. Arrangementet startar med felles tur frå Havnen klokka 15.30. Keipen Turlag arbeider med å henge opp ei Quize-løype for ungane. Løypa går frå parkeringsplassen, og ut til fortet.

Frå klokka 16.00 blir det konsert med mellom anna Jarle Grotle, Raimund Hoclas, og Norvall Klungresæter. Deretter omvisning på anlegget ved Bjarne Havnen før dagen blir avslutta med idémyldring om Tongane si framtid.

Det står framleis ei gamal kanon på Tongane.

Tongane som Folkepark?
I Kulturmiljøplanen for Bremanger står det at ein vil gjere området til «omsynssone i arealdelen til kommuneplanen». Det betyr at området er tiltenkt ein særleg spesiell status.

Klungresæter seier følgjande om framtida til kystfortet:

– Tenk om vi kunne lage ein folkepark på Tongane. Det hadde vore noko, smiler kultursjefen.

Del innlegget

Siste nyheter

Få dei gode historiene

Vi sender deg nyheiter, invitasjonar og glimt frå regionen ca. éin gong i månaden. Ingen spam, berre god stemning.

Vi brukar informasjonen du gjev i dette skjemaet for å halda kontakt med deg og gje deg oppdateringar og marknadsføringsmateriell. Du kan når som helst avslutta abonnementet ved å klikka på «Avslutt abonnement» nedst i nyheitsbreva våre eller ved å ta direkte kontakt med oss. Vi handsamar informasjonen din med respekt og berre i tråd med føremåla du har godkjent. For meir informasjon om personvernpraksisen vår, sjå personvernside vår.

GDPRVi brukar Mailchimp som marknadsføringsplattform. Ved å klikka nedanfor for å abonnera, stadfestar du at informasjonen din vil verta overført til Mailchimp for handsaming. Les meir om personvernpraksisen til Mailchimp.