Gode Bremanger

Utvandrarjubiléet: Thor flaug over Atlanteren

Portrett av ein mann med pilotbriller på hatten. Nøytralt ansiktsuttrykk. Svart-kvitt-foto.
Thor Solberg fotografert av Knut Vang i Brooklyn, New York.
I hundreåret frå 1825 til 1925 reiste nesten ein million nordmenn over havet til Amerika. Thor Solberg frå Årebrot var den første som flaug tilbake.

Bremanger kommune har planlagd fleire arrangement denne hausten med utvandringa som tema. Søndag 3. august skal det handle om flypioneren Thor Solberg. Arrangør er Botnane og Årebrot Grendelag.

Barndomsheimen der han vaks opp med 10 andre søsken.
Barndomsheimen der han vaks opp med 10 andre søsken.

90 år sidan Thor kryssa storhavet
Søndag 3. august vert det kafé på Årebrot grendehus. Då markerer grendelaget at 16. august er det 90 år sidan Thor Solberg (1893-1967) var den første som flaug over Atlanteren frå USA til Norge.

Mora Gunhild om bord i flyet hans i 1935.
Mora Gunhild om bord i flyet hans i 1935.

Han og radiotelegrafisten landa då i Bergen etter ei dramatisk reise over storhavet. Dagen etter kom Thor heim til Solberg, og tok foreldra, Gunhild og Simon, med på ein flytur over Batalden og Hovden. Dette var i mellomkrigstida, og foreldra hadde aldri sett noko liknande før sonen landa med sjøflyet nede i støa.

Thor og flyet hans på Floyd Bennett Field i New York.
Thor og flyet hans på Floyd Bennett Field i New York.

The Golden Age of Aviation
Forfattar Dag H. Nestegard har skrive bok om Thor Solberg. Den 3. august, kl.16.00, kjem han til Årebrot grendehus for å fortelje, og vise filmklipp og opptak med den største kjendisen frå vårt område.

Thor Solberg budde i Brooklyn, og var ein av flypionerane på legendariske Floyd Bennett Field. Der var han saman med andre heltar som Charles Lindberg, Amelia Mary Earhart og Howard Hughes, og andre som til dømes Jimmie Mattern. Desse karakterane er representantar for perioden som har fått merkelappen The Golden Age of Aviation.

Thor Solberg inngår i den store forteljinga om den norske utvandringa til Amerika. I dag står det ein statue av han ved Florø lufthamn.

Del innlegget

Siste nyheter

Få dei gode historiene

Vi sender deg nyheiter, invitasjonar og glimt frå regionen ca. éin gong i månaden. Ingen spam, berre god stemning.

Vi brukar informasjonen du gjev i dette skjemaet for å halda kontakt med deg og gje deg oppdateringar og marknadsføringsmateriell. Du kan når som helst avslutta abonnementet ved å klikka på «Avslutt abonnement» nedst i nyheitsbreva våre eller ved å ta direkte kontakt med oss. Vi handsamar informasjonen din med respekt og berre i tråd med føremåla du har godkjent. For meir informasjon om personvernpraksisen vår, sjå personvernside vår.

GDPRVi brukar Mailchimp som marknadsføringsplattform. Ved å klikka nedanfor for å abonnera, stadfestar du at informasjonen din vil verta overført til Mailchimp for handsaming. Les meir om personvernpraksisen til Mailchimp.